Cofnodion cryno - Y Pwyllgor Deisebau

Lleoliad:

Ystafell Bwyllgora 1 - y Senedd

Dyddiad: Dydd Mawrth, 12 Gorffennaf 2016

Amser: 09.00 - 09.40
Gellir gwylio’r cyfarfod ar Senedd TV yn:
http://senedd.tv/cy/3605

Yn bresennol

Categori	Enwau
Aelodau’r Cynulliad:	Neil McEvoy AC Janet Finch-Saunders AC Gareth Bennett AC Mike Hedges AC (Cadeirydd)
Tystion:
Staff y Pwyllgor:	Steve George (Clerc) Kath Thomas (Dirprwy Glerc) Jessica England (Dirprwy Glerc) Katie Wyatt (Cynghorydd Cyfreithiol)

<AI1>

Trawsgrifiad

Gweld trawsgrifiad o’r cyfarfod (PDF 126KB) Gweld fel HTML (129KB)

</AI1>

<AI2>

1 Cyflwyniad, ymddiheuriadau, dirprwyon a datgan buddiannau

Croesawodd y Cadeirydd bawb i’r cyfarfod.  Ni chafwyd unrhyw ymddiheuriadau.

</AI2>

<AI3>

2 Deisebau newydd - gydag Ymatebion Gweinidogol

</AI3>

<AI4>

2.1 P-04-685 Cynllun y Taliad Sylfaenol yng Nghymru - Mae Angen Model Taliad Rhanbarthol Tecach

Bu’r Pwyllgor yn trafod y ddeiseb hon am y tro cyntaf a chytunodd y dylid ei chau, o gofio bod yr ymateb gan y Dirprwy Weinidog Ffermio a Bwyd ar y pryd yn mynd i’r afael â’r materion y mae’n eu codi.

</AI4>

<AI5>

2.2 P-04-686 Dylid Gosod System Goleuadau Traffig yng Nghylchfan Cross Hands

Bu’r Pwyllgor yn trafod y ddeiseb hon am y tro cyntaf a chytunodd i ysgrifennu at Ysgrifennydd y Cabinet dros yr Economi a’r Seilwaith i ofyn am y wybodaeth ddiweddaraf am y sefyllfa.

</AI5>

<AI6>

2.3 P-04-687 Adolygiad o Bysgota Cregyn Bylchog ym Mae Ceredigion

Bu’r Pwyllgor yn trafod y ddeiseb hon am y tro cyntaf a chytunodd i ofyn i’r deisebydd a oes ganddo unrhyw sylwadau mewn ymateb i lythyr y Gweinidog. Bydd y Pwyllgor yn trafod y ddeiseb eto yn y cyfarfod nesaf.

</AI6>

<AI7>

3 Deisebau Newydd Eraill

</AI7>

<AI8>

3.1 P-05-689 Gwelliannau i’r Ddarpariaeth Reilffyrdd yng Nghydweli Sir Gaerfyrddin

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros yr Economi a’r Seilwaith ar y materion a godwyd yn y ddeiseb.

</AI8>

<AI9>

3.2 P-05-690 Arwynebu Ffordd A40 Rhaglan - Y Fenni

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros yr Economi a’r Seilwaith ar y materion a godwyd yn y ddeiseb.

</AI9>

<AI10>

3.3 P-05-691 Bargen Deg ar gyfer Ralïo mewn Coedwigoedd yng Nghymru

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros yr Economi a’r Seilwaith ar y materion a godwyd yn y ddeiseb.

</AI10>

<AI11>

3.4 P-05-692 Adeiladu Cofeb Mamieithoedd Rhyngwladol ym Mae Caerdydd

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros yr Economi a’r Seilwaith ar y materion a godwyd yn y ddeiseb.

</AI11>

<AI12>

3.5 P-05-693 Rhowch y Brechlyn Llid yr Ymennydd B i Bob Plentyn yng Nghymru am ddim

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros Iechyd, Llesiant a Chwaraeon ar y materion a godwyd yn y ddeiseb.

</AI12>

<AI13>

3.6 P-05-694 Amseroedd Ysgol Awr yn Hwyrach

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros Addysg ar y materion a godwyd yn y ddeiseb.

</AI13>

<AI14>

3.7 P-05-695 Cyflwyno Addysg Iechyd Meddwl Orfodol mewn Ysgolion Uwchradd

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros Addysg ar y materion a godwyd yn y ddeiseb.

</AI14>

<AI15>

3.8 P-05-654 Gwrthwynebu’r Cynigion Presennol o ran Dynodi Ardaloedd Cadwraeth Arbennig ar gyfer Llamhidyddion

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros yr Amgylchedd a Materion Gwledig ar y materion a godwyd yn y ddeiseb.

</AI15>

<AI16>

3.9 P-05-697 45,000 o Resymau Pam bod ar Gymru Angen Strategaeth ar Ddementia

Bu’r Pwyllgor yn trafod y ddeiseb hon am y tro cyntaf a chytunodd i ofyn barn Ysgrifennydd y Cabinet dros Iechyd, Llesiant a Chwaraeon ar y materion a godwyd yn y ddeiseb.

</AI16>

<AI17>

4 Y wybodaeth ddiweddaraf am ddeisebau blaenorol

</AI17>

<AI18>

4.1 P-04-365 Diogelu adeiladau nodedig ar safle hen Ysbyty Canolbarth Cymru

Bu’r Pwyllgor yn trafod gohebiaeth gan Awdurdod Parc Cenedlaethol Bannau Brycheiniog. O gofio bod y ddeiseb hon wedi cael ei thrafod am y tro cyntaf dros bedair blynedd yn ôl a bod y camau nesaf yn ddibynnol ar benderfyniadau gweithredol y byddai’n rhaid i awdurdodau lleol eu gwneud, cytunwyd y dylid cau’r ddeiseb.

</AI18>

<AI19>

4.2 P-04-445 Achub ein cŵn a chathod yng Nghymru rhag cael eu lladd ar y ffyrdd

Bu’r Pwyllgor yn trafod gohebiaeth ynghylch y ddeiseb. O gofio bod y ddeiseb wedi cael ei thrafod am y tro cyntaf dros dair blynedd yn ôl ac nid yw’n debygol y bydd y polisi’n newid yn y dyfodol agos, cytunodd y Pwyllgor y dylid ei chau.

</AI19>

<AI20>

4.3 P-04-544 Gwahardd Saethu Gwyddau Talcen-wen yr Ynys Las

Bu’r Pwyllgor yn trafod gohebiaeth ynghylch y ddeiseb. O gofio bod y Gweinidog wedi cadarnhau bod Llywodraeth Cymru yn adolygu’r arfer o saethu gwyddau talcen-wen yng Nghymru ar hyn o bryd, cytunodd y Pwyllgor y dylid cau’r ddeiseb.

</AI20>

<AI21>

4.4 P-04-547 Gwahardd Deunydd Pacio Polystyren ar gyfer Bwyd a Diod Cyflym

Bu’r Pwyllgor yn trafod gohebiaeth ynghylch y ddeiseb a chytunodd i ysgrifennu at Ysgrifennydd y Cabinet dros yr Amgylchedd a Materion Gwledig i:

· ofyn am y wybodaeth ddiweddaraf am y prosiect ymchwil ar y cyd â Chymdeithas Cadwraeth y Môr a Phrifysgol Abertawe i ymchwilio i’r mater hwn a materion eraill a gomisiynwyd gan y Gweinidog Cyfoeth Naturiol ar y pryd; ac i

· bwysleisio pwysigrwydd casglu’r wybodaeth berthnasol i ddarparu’r dystiolaeth angenrheidiol i fynd i’r afael â’r broblem.

</AI21>

<AI22>

4.5 P-04-572 Grantiau ar gyfer Gwrthsefyll Llifogydd

Bu’r Pwyllgor yn trafod gohebiaeth gan Gyfoeth Naturiol Cymru a chytunwyd i gau’r ddeiseb.  Wrth wneud hynny, cytunwyd y dylid gofyn i’r Pwyllgor Newid Hinsawdd, Amgylchedd a Materion Gwledig nodi’r materion a godwyd gan y Pwyllgor Deisebau wrth iddo drafod ei flaenraglen waith.

</AI22>

<AI23>

4.6 P-04-440 Dywedwch ‘Na’ i werthu asedau Ysbyty Bronllys

Bu’r Pwyllgor yn trafod y wybodaeth ddiweddaraf gan Fwrdd Iechyd Addysgu Powys a chytunodd i gau’r ddeiseb oherwydd bod Aelodau’n teimlo y byddai’r mater bellach yn cael ei ddwyn ymlaen orau ar lefel fwy lleol.

</AI23>

<AI24>

4.7 P-04-553 Ymchwiliad llawn ac annibynnol i’r risgiau iechyd sy’n gysylltiedig â thechnolegau diwifr a ffonau symudol yng Nghymru, gan gynnwys yr holl ysgolion

Bu’r Pwyllgor yn trafod gohebiaeth gan y Gweinidog Iechyd a Gwasanaethau Cymdeithasol a chytunodd i ysgrifennu at Ganolfan Ymbelydredd, Cemegion a Pheryglon Amgylcheddol Iechyd Cyhoeddus Lloegr i ofyn pa gamau y maent wedi’u cymryd ar ôl cael gwybodaeth a anfonwyd atynt gan y Gweinidog ar gais y Pwyllgor blaenorol.

</AI24>

<AI25>

4.8 P-04-564 Adfer Gwlâu i Gleifion, Gwasanaeth Mân Anafiadau ac Uned Pelydr-X i Ysbyty Coffa Ffestiniog

Bu’r Pwyllgor yn trafod gohebiaeth gan y Gweinidog Iechyd a Gwasanaethau Cymdeithasol a chytunodd i ofyn i Ysgrifennydd y Cabinet dros Iechyd, Llesiant a Chwaraeon am y wybodaeth ddiweddaraf am gynlluniau i fynd i’r afael â’r pryderon a godwyd gan y ddeiseb.

</AI25>

<AI26>

4.9 P-04-663 Bwyd yn Ysbytai Cymru

Bu’r Pwyllgor yn trafod gohebiaeth gan y Gweinidog Iechyd a Gwasanaethau Cymdeithasol ar y pryd, a hefyd gan Fyrddau Iechyd Lleol, a chytunodd i anfon y wybodaeth sydd wedi dod i law hyd yn hyn at yr Archwilydd Cyffredinol a gofyn iddo am y wybodaeth ddiweddaraf am y gwaith y mae’n ei wneud ar hyn o bryd ynghylch darparu bwyd yn ysbytai Cymru.

</AI26>

<AI27>

4.10P-04-668 Cefnogi Sgrinio Blynyddol ar gyfer Canser yr Ofari (CA125)

Bu’r Pwyllgor yn trafod gohebiaeth ynghylch y ddeiseb gan y Gweinidog Iechyd a Gwasanaethau Cymdeithasol ar y pryd a’r deisebydd, a chytunodd i wneud darn byr o waith ar y materion a godwyd ac i ofyn i Ysgrifennydd y Cabinet dros Iechyd, Llesiant a Chwaraeon a’r deisebwr ddod i un o gyfarfodydd y Pwyllgor yn nhymor yr hydref.

</AI27>

<AI28>

4.11P-04-446 Rhyddhad Ardrethi Busnes i siopau elusen yng Nghymru

Bu’r Pwyllgor yn trafod gohebiaeth ynghylch y ddeiseb gan Weinidog yr Economi, Gwyddoniaeth a Thrafnidiaeth. O ystyried y safbwynt a nodwyd yn ymateb y Gweinidog a’r ffaith bod y ddeiseb wedi bod o dan ystyriaeth ers dros dair blynedd, cytunwyd y dylid cau’r ddeiseb.

</AI28>

<AI29>

4.12P-04-468 Pryderon am Ddiogelwch Ffordd A48 Cas-gwent

Bu’r Pwyllgor yn trafod gohebiaeth gan Weinidog yr Economi, Gwyddoniaeth a Thrafnidiaeth. O gofio bod y Gweinidog wedi nodi na fydd y terfyn cyflymder yn cael ei ostwng ar hyn o bryd, cytunwyd y dylid cau’r ddeiseb.

</AI29>

<AI30>

4.13P-04-539 Achub Cyfnewidfa Lo Caerdydd

Bu’r Pwyllgor yn trafod gohebiaeth ynghylch y ddeiseb a chytunodd i ofyn am y wybodaeth ddiweddaraf gan Ysgrifennydd y Cabinet dros yr Economi a’r Seilwaith a hefyd gan Arweinydd Cyngor Dinas Caerdydd.

</AI30>

<AI31>

4.14P-04-594 Apêl Cyngor Cymuned Cilmeri ynghylch y Gofeb i’r Tywysog Llywelyn

Bu’r Pwyllgor yn trafod gohebiaeth gan Weinidog yr Economi, Gwyddoniaeth a Thrafnidiaeth a chytunodd i ysgrifennu at Ysgrifennydd y Cabinet dros yr Economi a’r Seilwaith i ofyn am y wybodaeth ddiweddaraf am y sefyllfa bresennol.

</AI31>

<AI32>

4.15P-04-667 Cylchfan ar gyfer Cyffordd yr A477/A4075

Bu’r Pwyllgor yn trafod gohebiaeth gan Weinidog yr Economi, Gwyddoniaeth a Thrafnidiaeth ar y pryd a chytunodd i ysgrifennu at Ysgrifennydd y Cabinet dros yr Economi a’r Seilwaith i ofyn am y wybodaeth ddiweddaraf am yr Archwiliad Cam 4 a sut y bydd barn y deisebwyr yn cael ei hystyried.

</AI32>

<AI33>

4.16P-04-678 Offer i Helpu Pobl Eiddil

Bu’r Pwyllgor yn trafod yr ohebiaeth gan y deisebydd a chytunwyd y dylid cau’r ddeiseb.

</AI33>

<AI34>

4.17P-04 658 Derwen Brimmon

Bu’r Pwyllgor yn trafod gohebiaeth gan Ysgrifennydd y Cabinet dros yr Economi a’r Seilwaith a’r deisebwr. O ystyried yr ymateb cadarnhaol gan Ysgrifennydd y Cabinet newydd a’r sicrwydd blaenorol a roddwyd o ran amddiffyn Derwen Brimmon, cytunwyd y dylid cau’r ddeiseb.

</AI34>

<AI35>

4.18P-04-637 Diogelu Dyfodol Cerddoriaeth Ieuenctid yng Nghymru

Bu’r Pwyllgor yn trafod gohebiaeth gan y Gweinidog Addysg a Sgiliau ar y pryd a Chymdeithas Llywodraeth Leol Cymru, a chytunwyd y dylid pwyso ar CBAC am ymateb i geisiadau blaenorol am wybodaeth.  Wrth wneud hynny, roedd Aelodau hefyd yn dymuno mynegi eu siom ynghylch y diffyg ymateb gan CBAC i ohebiaeth flaenorol.

</AI35>

<AI36>

4.19P-04-655 Mynnu ein Hawliau i’r Gymraeg yn y Sector Breifat

Bu’r Pwyllgor yn trafod gohebiaeth gan y Prif Weinidog, Comisiynydd y Gymraeg a chyn-Gadeirydd y Pwyllgor Cymunedau, Cydraddoldeb a Llywodraeth Leol. O ystyried yr holl ymatebion a gafwyd, a’r argymhelliad yn adroddiad etifeddiaeth y Pwyllgor Cymunedau, Cydraddoldeb a Llywodraeth Leol, cytunwyd y dylid cau’r ddeiseb.

</AI36>

<AI37>

4.20P-04-660 Y Pwysau Ychwanegol sy’n Wynebu Ardaloedd Gwledig Prin eu Poblogaeth

Bu’r Pwyllgor yn trafod gohebiaeth gan y Gweinidog Addysg a Sgiliau ar y pryd a chytunwyd y dylid cau’r ddeiseb.  Wrth wneud hynny, cytunwyd hefyd y dylid ysgrifennu at Gadeirydd y Pwyllgor Cyllid, Ysgrifennydd y Cabinet dros Gyllid a Llywodraeth Leol ac Ysgrifennydd y Cabinet dros Addysg i ofyn iddynt ystyried y materion a godwyd wrth drafod y gyllideb nesaf.

</AI37>

<AI38>

4.21P-04-677 Mynediad Cyfartal i’r Iaith Gymraeg

Bu’r Pwyllgor yn trafod gohebiaeth gan y Gweinidog Addysg a Sgiliau ar y pryd a chytunodd i ysgrifennu at Ysgrifennydd y Cabinet dros Addysg i ofyn iddi roi’r wybodaeth ddiweddaraf i’r Pwyllgor unwaith y bydd y Ganolfan Genedlaethol newydd ar gyfer Cymraeg i Oedolion a swyddogion y Llywodraeth wedi cwblhau’r gwaith o drafod materion ynghylch darpariaeth a ffioedd.

</AI38>

<AI39>

4.22P-04-656 Sefydlu Diwrnod Gwrthwynebwyr Cydwybodol yng Nghymru

Bu’r Pwyllgor yn trafod gohebiaeth gan y Gweinidog a chytunwyd y dylid cau’r ddeiseb.

</AI39>

<AI40>

4.23P-04-661 Gwahardd Defnydd Ar-lein a Phleidleisio Electronig gan Aelodau Cynulliad yn Siambr y Senedd

Bu’r Pwyllgor yn trafod gohebiaeth gan y Llywydd blaenorol a chytunwyd y dylid cau’r ddeiseb.

</AI40>

<AI41>

4.24P-04-674 Dyfed, Dim Diolch

Bu’r Pwyllgor yn trafod gohebiaeth gan y Gweinidog Gwasanaethau Cyhoeddus ar y pryd, a chytunodd i gadw’r ddeiseb ar agor a’i hystyried ymhellach pan fydd Ysgrifennydd y Cabinet dros Gyllid a Llywodraeth Leol yn cyflwyno cynigion ar gyfer strwythur llywodraeth leol yn y dyfodol.

</AI41>

<AI42>

4.25P-04-684 Galwn am Ddeddfwriaeth Cynllunio Well a Mwy Effeithiol ar gyfer Tai Amlfeddiannaeth ac am Orchymyn Dosbarthiadau Defnydd Newydd

Bu’r Pwyllgor yn trafod gohebiaeth gan y Gweinidog Cyfoeth Naturiol. Yng ngoleuni’r ymateb hwnnw ac, yn arbennig, y ddeddfwriaeth a gyflwynwyd yn y maes hwn yn ddiweddar, cytunwyd y dylid cau’r ddeiseb.

</AI42>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>